Павлодарда тергеу изоляторында есірткі сатпақ болғандар анықталды

Павлодардағы тергеу изоляторында ерлі-зайыптылар есірткі саудаламақ болған. Бірақ алғашқы әрекеттерінен-ақ қолға түсті. 46 жастағы әйел ұрлық үшін қамауға алынған жұбайына азық-түлік әкелген. Алайда, тәтті тоқаштар бақылаушылардың күдігін тудырады. Екіге бөлгенде оның ішінен сұрғылт жасыл түсті, иісі бар зат шыққан. Әйел адам күйеуі арқылы жабық мекеме аумағында есірткі сатуды жоспарлағанын мойындады.

Болат Аманбаев