Ақтауда Каспий теңізі жағасынан 21 жер телімі кәсіпкерлерге заңсыз берілген

Ақтауда Каспий теңізінің жағасында туризмді дамытуға арналған аумақта 21 жер учаскесі кәсіпкерлерге заңсыз берілген. Мәселен, қала әкімдігі бұған дейін игерілмеген жер теліміне қосымша 4,7 гектарды жалға беріп қойған.

Сондай-ақ тағы бір қала тұрғыны жағажайда қонақүй салу үшін 3 гектар жерді жалға алғаны анықталды. Бірақ кейін ол бұл жерді басқа адамға сатып жіберген. Аталған жер учаскелерін мемлекетке қайтару жұмысы басталды.

Біржан Хайруллин, облыстық Сыбайлас жемқорлыққа қарсы іс-қимыл департамент басшысының орынбасары:

Біз оны жан-жақты саралап, талдаймыз. Неліктен мұндайға жол берілді, неліктен сол бизнес өкілі осыған дейін оны ала алмай жүрді? Содан кейін барып шешімдер қабылдап отырамыз.

Аягөз Оралбайқызы