Былтыр кәсіпорындардағы апаттан 15 адам көз жұмған

Павлодар облысындағы «Богатыр» көмір кенішінде жұмысшы қаза тапты. К-700 тракторы кеніштің аумағында, төмен түсіп бара жатқанда аударылған. Қылмыстық іс қозғалды.

Жалпы ел кәсіпорындарында былтыр 28 апат болып, салдарынан 15 адам көз жұмған. Бұл туралы Өнеркәсіптік қауіпсіздік комитетінің төрағасы Нығмеджан Мақажанов айтты. Еліміздегі кәсіпорындар өткен ғасырдың 70-80 жылдары шығарылған технологиялық жабдықтарын әлі қолданып келеді.

Кәсіпорындардағы оқыс оқиғалардың алдын-алу мақсатында былтыр 2450 тексеру жүргізіліп, қауіпсіздік талаптарын өрескел бұзған 733 кәсіпорынның жұмысы тоқтатылған.

Бұған қоса, компанияларға 254 млн теңге айыппұл салынды.

Азамат Бейбітұлы