Астанада крипто айырбастау пунктінің жұмысы тоқтатылды

Астанада жалпы айналымы 34 млн доллар болатын крипто айырбастау пунктінің заңсыз қызметі әшкере болды. Қазақстандық 3 азамат Астана халықаралық қаржы орталығы алаңынан тыс жерде заңға қайшы әрекетке барған. Өткізілген іс-шаралардың нәтижесінде айырбастау пунктін ұйымдастырушылардан 342 мың АҚШ доллары және 7 млн теңге тәркіленді. "Binance" платформасында 2 крипто әмияннан 23 мыңға жуық АҚШ доллары сомасына криптоактивтер анықталып, оларға уақытша шектеу қойылды.

Әлібек Әбділов, ҚР Қаржылық мониторинг агенттігінің ресми өкілі:

Алдын ала есеп бойынша "Binance" платформасындағы крипто айырбастау пунктінің крипто әмияндарының жалпы айналымы шамамен 34 млн АҚШ долларын құрады. Тергеу жалғасуда. ҚПК-нің 201-бабына сәйкес өзге ақпарат жария етуге жатпайды

Азамат Бейбітұлы