Президент: Мемлекет шын мұқтаж жандарға ғана жәрдем береді

Мемлекет шын мұқтаж адамдарға ғана жәрдем береді. Осылай деген Мемлекет басшысы халықтың басым көпшілігі үшін тұрғын үй – ең өзекті мәселе екенін айтты. Қасым-Жомарт Тоқаевтың сөзінше, оның атына азаматтардан күн сайын жүздеген өтініш келеді. Оның ішінде қолжетімді баспанамен қамтамасыз етуді сұраған хаттар өте көп. Бұл түйткіл мемлекет тарапынан мүмкіндігінше шешіліп жатыр. Тұрғын үй саясаты нарықтағы ахуалға тығыз байланысты. Сондықтан, осы саладағы саясатымызды қайта қарап, оның мейлінше әділ әрі икемді болуын қамтамасыз ету керек дейді сарапшылар.

Мақсат Халық, экономист:

Баспанаға мұқтаж халықтың саны екі миллионнан асып жығылады. Демек, екі млн халықты қамтамасыз ету үшін бізге өте күрделі реформа керек. Зәру азаматтар үшін ғана арнайы бағдарлама керек. Екі пайыз не болмаса бөліп төлеуге мүмкіндік беретін жалгерлік төлем арқылы сол азаматтарды баспанамен қамтамасыз ету бірінші кезекте керек деп айтқым келеді.

Қуан Нұрақын