Петропавлда жүрегі 18 минут бойы соқпай қалған адам ажалдан құтқарылды

Петропавл дәрігерлері жүрегі 18 минут бойы соқпай қалған адамды ажалдан арашалап қалды. Бронхиалдық демікпеге шалдыққан науқас тыныс ала алмай қиналған. Дәрігерлер клиникалық өлім үстіндегі адамға дер кезінде тиісті медициналық көмек көрсетіп үлгерді. Қазір науқас 3-ші қалалық ауруханада емделіп жатыр, жағдайы қалыпты.

Әлия Оразбаева, жедел-жәрдем қызметінің фельдшері:

Жүрек қағысының жоқтығын байқап, тек ми ғана жұмыс жасап жатқанын байқап, реанимациялық іс-шараны бастадық. Біз қосымша бригада шақырдық. Дәрігерлік жасақ келгеннен кейін бірге жұмыс істеп, бірге науқасты есіне келтірдік. Содан соң науқас жансақтау бөліміне жеткізілді.

Эльмира Кәленова