Қостанай облысында 12 үйді су басты

Қостанай облысында Тінтуір өзені арнасынан асып, салдарынан Қарамырза ауылында 12 үйді су басты. Су басқан баспаналардан 15 адам эвакуцияланды, олардың сегізіі бала. Қазір барлығы осы туған туыстарының үйінде. Ешкім арнайы жабдықталған эвакуация орталығына барған жоқ. Үй жануарлары да қауіпсіз жерге шығарылды. Зардап шеккендер жоқ. Ауыл әкімдігінің ғимаратында аудан әкімінің басшылығымен жедел штаб ашылды. Қазір су басқан аумақты құрғату мақсатында 14 мотопомпа жұмыс істеп тұр. Басқа да техника мен адам күші жеткілікті, жағдай бақылауда дейді төтенше жағдай қызметі.

Дәуренбек Әбдібек