АҚШ Президенті Джо Байден сайлауға түсуге ниетті

АҚШ Президенті Джо Байден 2024 жылғы президент сайлауына түсуді жоспарлап отыр. Мұны Ақ үй басшысы мәлімдеді. Байден бұл шешімі туралы ресми түрде жариялауға әлі дайын емес екенін айтқан. Құрама Штаттар жетекшісі президенттікке кандидаттығын шілдеде хабарлауы мүмкін. Және ол саяси додада демократиялық партия атынан вице-президент Камала Харриспен бірге тандем болмақ. Рейтердің мәлімдеуінше, бірпартияластар арасынан Байденге тең келер қарсылас әлі шыққан жоқ. Ал республикалық партия атынан экс-президент Дональд Трамп екінші мерзімге қатысуға ниетті.

Арай Төлегенқызы