Шетелде қызмет ететін ғалым отандастар қазақстандық студенттерге дәріс оқыды

Әлемдегі үздік оқу орындарында қызмет ететін қазақстандық ғалымдар студенттерге дәріс оқыды. Олар физика, инженерия, нанотехнология сияқты маңызды тақырыптар бойынша тәжірибесімен бөлісті. Білікті ғалымдардың арасында Франциядағы Густав Рози атындағы онкологиялық орталығының зертхана меңгерушісі Мұрат Сапарбаев, АҚШ-тағы Purdue университетінің профессоры Зинетула Еңсепов пен АҚШ-тағы Лос-Аламос ұлттық зертханасының қызметкері Дияр Талбаев та бар.

Мұрат Сапарбаев, Франциядағы Густав Рози институтының «ДНҚ жөндеу» зертханасының директоры:

Мен 92 жылдан бері шетелде тұрамын, сонда жұмыс істеймін. Жыл сайын елге келіп тұруға тырысамын. Қазақстанда ғылым саласы соңғы жылдары жақсы дамып келеді. Жастардың білімге құштарлығы да жоғары. Шетелде оқуға, тәжірибе алмасуға келгенде біраз қиындықтар болуы мүмкін. Дегенмен бұл тығырықтан да шығып, өзін мойындатып жатқандар аз емес.

Айя Мүтәлі