Украинада БҰҰ: 8,5 мың бейбіт тұрғын қаза тапқан

Украинада былтырғы ақпан айынан бері 8,5 мың бейбіт тұрғын қаза тапқан. 14 мың адам жараланды. Бұл БҰҰ-ның дерегі. Дегенмен марқұм болғандардың саны бұдан да көп болуы мүмкін. Себебі жермен-жексен болған Мариуполь, Попасная, Лисичанск пен Северодонецк тәрізді жерлерден нақты ақпарат алу мүмкін болмай отыр. Сонымен бірге соңғы кездері Киев қарымта шабуыл бастайды деген ақпарат жиі айтылып жүр. Алайда «BBC»-дің мәліметінше, Украина армиясына әскери техника жетіспейді. Бұған қоса, Киев сарбаздардың жеткілікті санының жиналуын және жер кеуіп, бронетехниканың өтуіне жол ашылуын күтіп отырған сыңайлы.

Арай Төлегенқызы