Эльмира Сыздықова күрестен Азия чемпионы атанды

Астана қаласында өтіп жатқан әйелдер күресінен Азия чемпионатында қазақстандық Эльмира Сыздықова 76 келі салмақ бойынша «алтын» алды. Ол финалда қырғызстандық Айпері Медетқызымен шеберлік байқасты. Қазақстандық балуан ширақ қимылдап, нәтижесінде қарсыласын жеңіп, Азия чемпионы атанды. Айта кетсек, Эльмира Сыздықова биыл еліміздің 6-жазғы Спартакиадасында топ жарды және осыған дейін Азия чемпионатында 1 алтын, 2 күміс, 3 қола еншілеген еді.

Азамат Бейбітұлы