Жатақхана ақысын мемлекет субсидиялайды

Студенттердің жатақхана ақысы үшін мемлекет субсидия бөледі. Мұндай жеңілдік қарастырылған құжат жобасы ашық талқылауға шығарылды. Бір студенттің тұрағына жылына 29 айлық есептік көрсеткіш, яғни биылғы мөлшермен ол 100 мың теңге бөлінеді. Мемлекеттің мұндай көмегі жетім, ата-ана қомқорлығынсыз қалған балаларға, мүгедектігі барларға бағытталмақ. Қазіргі есеп бойынша жоғарғы оқу орындарында 170 мыңға жуық әлеуметтік аз қамтылған отбасынан шыққан тәлімгер оқиды. Құжат 26-сәуірге дейін ашық талқылауда болады.

Оңғар Алпысбайұлы