Таразда жылу мекемесінің қаржысын жымқырғандар сотталды

Тараздың жылу мекемесінің қаржысын жымқырды деп айыпталған күдіктілерге қатысты сот үкімі шықты. 2,8 млрд теңгені қолды қылды деген сегіз адам енді 1 жылдан 9 жыл аралығын темір торда өткізеді.

Олар тариф төлемдерінен түскен ақшаны өзге компания шотына аудару арқылы алып келген. Сондай-ақ тарифтерді заңсыз көтеру, монополиялық табыс табу бойынша да кінәлі деп танылды. Ал қылмыстық топ серкесі жалған компанияға жетекші қылып өз ұлын тағайындаған. Сөйтіп әкелі-балалы кәсіпкерлер «Тараз Энерго Орталығының» табысын 2 жыл бойы қаржылық құйтырқылықпен қалтаға басады. Осы үшін ұлы 9 жыл арқалады. Ал әкесі үкім шығар алдында үй қамақтан қашып кеткендіктен әлі күнге ұсталмай жүр. Сондықтан сот оған сырттай үкім шығармай, ұсталғанын күтпек. Ал сыбайлас болды деген тағы 7 адам «заңсыз шот-фактура жазу», «мүлікті қолды ету» деректерімен жаза арқалады.

Айдарбек Замбаев, облыстық Қылмыстық істер жөніндегі мамандандырылған ауданаралық сотының судьясы:

Қылмыстық іс бойынша АО ТЭЦ-тің главный бухгалтері Сайдашоваға 3 жыл бас бостандығынан шектеу жазасы тағайындалды. Бүгінгі күні қарыз өтелмеді деп сот есептейді. 1 млрд 900 млн тг сұраған. 1 млрд 400 көлемінде өндірілді.

Данияр Әлімқұл