Ақтөбедегі мұнайшыларға астаналық дәрігерлер көмек көрсетеді

Ақтөбе облысы Жаңажол кен орнында күйіп қалған 4 мұнайшыға жұмыс беруші 1 миллион теңгеден көмек беретін болды. Олар облыстық ауруханаға санавиациямен жеткізілген. Дәрігерлердің айтуынша, төртеуі де естерін біледі. Алайда жағдайлары ауыр. Бүгін астаналық дәрігерлер телемедицина көмегімен қосымша ем-домдар тағайындайтын болады. Естеріңізге салсақ, 1 мамыр күні «CNPC – Ақтөбемұнайгаз» АҚ-ның №2 Газ өңдеу зауытында өрт шыққан еді. Ол жерде газ өткізу қондырғысы жанған. Өрт сөндірушілер жалынмен 15 сағат күресті.

Талғат Есқарин, Облыстық еңбек инспекциясы басшысының орынбасары:

4 адамға АҚ тарапынан 4 млн ақша бөлінді. Бұл өз бюджетінен. Сонымен қатар әбден жазылғанға дейін дәрі-дәрмекке, емдеуге де ақша бөлініп отырады. 4-еуі де 20 пайыз күйікке шалынған дейді. Енді тергеп-тексеру жүргіліп жатыр. Не себептен болғаны соның барысында анықталады.

Жақсыбек Кемал