Қатардағы сайыста дзюдошылар жүлдесіз қалды

Қатарда өтіп жатқан дзюдодан әлем чемпионатының алтыншы күнінде де жерлестеріміз жүлдесіз қалды. Бүгін Нұрлыхан Шархан мен Аруна Жангельдина бәсекелерін екінші айналымнан бастады. 100 келіде жүлдеге таласқан Шархан әуелде тұманды альбион өкілін, артынша, әлем чемпионатының 6 дүркін жүлдегері, гүржі балуанын тізе бүктіріп, сенсация жасады. Жартылай финалдың жолдамасына 2 дүркін Олимпиада чемпионы – Лукашпен таласқан отандасымыз өкінішке қарай белдесудің алғашқы бөлігінде жеңіліп қалды. Ширек финалда сүрінген ол, жұбаныш белдесулерінде бақ сынады, Шарханның бұл жолы да жолы болмады. Ал, 78 келіде ел намысын қорғаған Аруна Жангельдина алғашқы айналымда-ақ жеңіліп қалды.

Асылбек Данияр