Әлем чемпиондары елге оралды

Бұл ел мерейін үстем еткен әлем чемпиондарының елге оралу сәті. Жеңімпаздарды Елорда әуежайынан жанкүйерлер ыстық ықыласпен күтіп алды. Ташкенттегі әлем біріншілігінде төрт жерлесіміз алтын, біреуі күміс медальға ие болған еді. Чемпиондарды мемлекет басшысы Қасым-Жомарт Тоқаев та, құттықтады. Президент твиттерде «Жеңіске деген ерік-жігер мен шынайы патриотизмнің жарқын үлгісін көрсеткен боксшыларымыз Санжар Тәшкенбай, Махмұд Сабырхан, Асланбек Шымбергенов және Нұрбек Оралбайды шын жүректен құттықтаймын» - деп жазды. Боксшыларды жанкүйерлердің қалай күтіп алғаны туралы ақпарат соңында, спорт жаңалықтарында толығырақ айтамыз.