Елдегі прокурорлардың құзыреті артуы мүмкін

«Прокурорлар сот процесі кезінде айыптау жұмысымен ғана айналыспауы керек. Егер сотталушы кінәсіз екеніне көзі жетсе ақтап алу туралы да ұсыныс жасағаны жөн». Бас прокурор Берік Асылов мемлекеттік айыптаушылардың республикалық форумында осылай деді. Кез келген істі жан-жақты зерттеп, мәселенің ақ-қарасына судьяның көзін жеткізе білуі керек. Бұл әділ шешім қабылдаудың кепілі. «Сондықтан білікті мамандардың санын әлі де арттыра түсу қажет», - дейді ол. Форумда мемлекеттік айыптаушыларға қатысты өзге де мәселелер талқыланды.

Берік Асылов, ҚР Бас прокуроры:

Мемлекеттік айыптаушының жүктемесі әлі де арта түсетіні анық. Кей өңірлерде 2-3 судяға бір прокурордан келеді. Сондықтан олардың қатарын көбейту керек. Бұл институттың жұмысын 4-5 жылдан бері зерттеп, тиімділігіне көз жеткіздік.

Оңғар Алпысбайұлы