Индонезияда дәрігерлер заңға қарсы шеруге шықты

Индонезияда жүздеген дәрігер мен медбике шеруге шықты. Олар денсаулық сақтау туралы заң жобасын қабылдауға наразы. Құжат медициналық қызметкерлердің мүддесіне қайшы деп есептейді. Бұл заң жобасын парламент ақпанда ұсынған еді. Реформаға сай, медициналық қызметкерлерге қарсы қылмыстық іс қозғауды жеңілдету, шетелдік мамандарды тарту көзделген. Үкіметтің мәлімдеуінше, айтылған өзгерістер қолданыстағы заңдарды оңтайландыру үшін қажет. Дегенмен дау тудырған құжаттың қашан қабылданары белгісіз. 

 Арай Төлегенқызы