Ақтөбеде 16 жастағы екі жасөспірім суға кетті

Ақтөбеде 16 жастағы екі жасөспірім суға кетті. Үш жеткіншек Ферроқорытпа зауыты аумағында, Елек өзенінің суға түсуге тыйым салынған бөлігінде шомылмақшы болғанда қатты ағыс оларды ағызып әкетеді. Құтқарушылар оқиға орнына жедел жеткенімен, екі баланы аман алып қалу мүмкін болмады. Олардың біреуі ғана өз күшімен жағаға аман-сау шығып, екеуі батып кетті. Сүңгуірлер марқұмдардың денесін жағадан 100 метрдей жерден, 3 жарым метр тереңдіктен алып шықты.

Жақсыбек Кемал