Ақтөбе облысында шегіртке қаптады

Ақтөбе облысында шегіртке қаптады. Зиянкестер әсіресе Ырғыз бен Шалқар аудандарының аумағында көп шоғырланған.

«Италияндық прус» деп аталатын түрінің дернәсілдері Құмтоғай, Қызылжар ауылдық округтерінің аумағында екі апта бұрын шыға бастаған. Қазір жауапты сала мамандары бүріккіш арқылы улап жатыр. Аумақтық инспекция өкілдері 669 мың гектар аумаққа өңдеу жұмыстарын жасауды жоспарлап отыр. Оның ішінде 22 мың гектары азиялық шегірткеге қарсы уланады. Мамандардың айтуынша, қажетті препараттар аудандарға дер кезінде жеткізілген.

Жақсыбек Кемал