Қазақстан ұлттық құрамасындағы ең қымбат футболшылар

Қазақстан ұлттық құрамасындағы ең қымбат футболшылардың есімі белгілі болды. Германияның әйгілі «Трансфермаркт» порталы 10 адамнан тұратын тізімді жариялады. Ресейдің «ЦСКА» клубының жартылай қорғаушысы Бахтиёр Зайнутдинов рейтингтегі бірінші орынды сақтап қалды. Оның нарықтағы құны 5 миллион еуро. Екінші орында 1,2 миллион еуромен «Зениттің» қорғаушысы Нұралы Әліп тұр. Үздік үштікті 1 миллион еуромен Александр Меркель мен «Ахмат» ойыншысы Марат Быстров түйіндеді. «Астана» клубының шабуылшысы Абат Айымбетовтың бағасы 900 мың еуроға өсіп, 5-сатыға жайғасты. Шымкенттік «Ордабасы» клубының жартылай қорғаушысы, Ұлттық құрама капитаны Асхат Тағыберген 850 мың еуромен 6-орында тұр.

Асылбек Данияр