Канададағы орман өрті: 4,4 млн га жер күлге айналды

Әлемнің бірнеше елінде алапат өрт болып жатыр. Канададағы орман өрті басылар емес. 4,4 млн гектар аумақ күлге айналған. Британиялық Колумбия провинциясында 2400-ге тарта өрт ошағы тіркелді. Мыңдаған адам қауіпсіз жерге көшірілген. Жалынды сөндіруге ыстық ауа-райы мен күшті жел кедергі келтіріп отыр. Тілсіз жаумен күреске Австралия, Португалия, Испания мен Жаңа Зеландия мемлекеттері көмекке келіп, құтқарушыларын жіберді. Осы алапат өрттен тараған түтін АҚШ-тың бірнеше қаласына жетіп, ондағы ауа сапасы нашарлаған. Адам денсаулығына зиянды бөлшектер көбейді. Осыған байланысты тұрғындарға үйде отыру қажеттігі ескертілді.

Арай Төлегенқызы