Абай облысы: Өрттен қаза тапқандардың отбасына қолдау шаралары көрсетіледі

Мемлекет басшысының тапсырмасы бойынша Абай облысындағы өрттен қаза болғандардың отбасына қолдау шаралары көрсетіледі.

Жанұядағы кәмелеттік жасқа толмаған балаларға республикалық бюджеттен асыраушысынан айырылу бойынша жәрдемақы беріледі. Сол сияқты Мемлекеттік әлеуметтік сақтандыру қорынан біржолғы әлеуметтік төлемақы тағайындалады. Сонымен бірге қажетті жиһазбен жабдықталған тұрғын үймен қамтамасыз етіледі. Бірыңғай жинақтаушы зейнетақы қорынан жерлеуге арналған біржолғы төлем беріледі. Сондай-ақ несиелерді есептен шығару үшін қайтыс болған адамдар мен олардың отбасыларының несиелік жүктемесі анықталады.

Асылбек Данияр