«Turkvizyon-2015» байқауына іріктеу басталды

Бұл туралы бүгін Орталық коммуникациялар қызметінде өткен баспасөз мәслихатында мәлім болды.

Әлем алдында Алаштың абыройын асқақтататын тағы бір сәт жақындады. Елімізде «Turkvizyon-2015» халықаралық ән байқауына іріктеу басталды. Бұл туралы бүгін Орталық коммуникациялар қызметінде өткен баспасөз мәслихатында мәлім болды.

Биыл халықаралық түркітілді ән байқауында ел намысын қорғауға ниет білдіргендердің саны жүзге жуықтаған. Байқау сарапшылары таланты тас жаратын 19 финалисті іріктепті.

Ертең Бейбітшілік және келісім сарайында өтетін ұлттық іріктеудің шешуші кезеңінде, 300 миллион көрермені бар аренаға қазақтың әуенін алып шығатын әншінің есімі анықталмақ.

Армангүл ТОҚТАМҰРАТ