«Jusan» тобының активтері елге қайтарылды

«Jusan» тобының активтері елге қайтарылды. Былтыр Бас прокуратура бұл ұйымға қарайтын Jusan Bank және телекоммуникация, ауыл шаруашылығы мен өзге де ірі активтердің шекара асып кеткенін анықтады. Салдарынан Үкімет бақылау жасау құқығынан айырылып, қаражатын осы ұйымда ұстайтын бірқатар білім беру мекемелеріне қауіп төнді. Әділет министрлігінің хабарлауынша, енді Jusan Bank заңға сәйкес жұмыс істеп қана қоймай, білім беру ұйымдарын қаржыландыруды жалғастыруы тиіс. Сондай-ақ бұған дейін мемлекеттен алған көмекті мерзімінен бұрын қайтаруға міндетті. Сыртқа шығарылған активтерді қайтару жұмысы да жалғасады.

Айя Мүтәлі