Мемлекет басшысы еліміздің Бас прокурорын қабылдады

Бүгін Мемлекет басшысы еліміздің Бас прокурорын қабылдады. Берік Асылов Абай облысындағы өртке қатысты қозғалған қылмыстық іске қатысты тергеу амалдары жөнінде баяндады. Тергеу қорытындысы бойынша лауазымды тұлғалардың әрекеттері мен әрекетсіздігіне құқықтық баға беріледі.

Сондай-ақ бұған дейін атқарылған жұмыстың есебі айтылды. Әлеуметтік-экономикалық салаларды тексеру нәтижесінде 11 мың адам түрлі деңгейде жауапқа тартылған. Кездесу соңында Мемлекет басшысы Абай облысындағы өрттің мән-жайын объективті түрде тергеу маңызды екеніне тоқталып, еліміздің әлеуметтік және экономикалық салаларындағы заңдылықтың сақталуын қамтамасыз ету жөнінде бірқатар нақты тапсырма берді. 

Азамат Бейбітұлы