ШҚО-ға жаңа әкімді Үкімет басшысы Әлихан Смайылов таныстырды

Бүгін Шығыс Қазақстан облысына жаңа әкім тағайындалды. Президент жарлығымен бұл қызметке Ермек Көшербаев келді. Ол бұған дейін Қазақстанның Ресейдегі Елшісі болды. Аймаққа жаңа әкімді Үкімет басшысы Әлихан Смайылов таныстырды. Аймақ басшысы лауазымына екі үміткер ұсынылды. Жергілікті депутаттардың басым бөлігі Көшербаевтың кандидатурасын қолдап, дауыс берді. Премьер-министр жаңа әкімнің алдында үлкен міндеттер тұрғанын атап өтті.

Әлихан Смайылов, ҚР Премьер- Министрі:

Тұрғындарды сапалы ауызсумен қамту, электрмен жабдықтау, әлеуметтік нысандардың мәселелерін шешу жергілікті атқарушы биліктің алдына қойылатын басты міндеті. Жергілікті жолдардың сапасын жақсарту бойынша жұмысты күшейту қажет.

Шерхан Жамбылұлы