Үндістанда аптап ыстықтан көз жұмғандар көбейді

Үндістанда үш күнге созылған аптап ыстықтан 100-ге жуық адам көз жұмды.

Уттар-Прадеш пен іргелес Бихар штаттарында ауа температурасы +42 градусқа дейін көтерілді. Марқұм болғандардың көбі – 60-жастан асқандар. Қолайсыз ауа-райынан олардың созылмалы ауруы асқынып кеткен.

Баллия қаласында 400-дей адамның дене қызуы көтеріліп, тынысы тарылып ауруханада жатыр. Ауа-райы болжамына сай, елде аптап ыстық тағы 3-4 күнге жалғасуы мүмкін.

Арай Төлегенқызы