Футболдан Қазақстан ұлттық құрамасы Солтүстік Ирландияны жеңді

Қазақстан ұлттық құрамасы Солтүстік Ирландияны 1:0 есебімен ұтты.

Матчтың 88-минутында Абат Айымбетов сырт алаңда қарсыластар қақпасына жауапсыз гол соғып, команданы алға шығарды. Бұл Абаттың ұлттық құрама сапындағы сегізінші голы.

2024 жылғы Еуропа чемпионатына іріктеу аясындағы кездесу Белфаст қаласында өтті. Соның арқасында 4 ойыннан кейін 9 ұпай жинап, турнир тізімінің 2-ші сатысына жайғасты. Топ басында Финляндия құрамасы тұр және ұпай көрсеткіші жағынан біздің командамен бірдей.

Айта кетейік, осыдан бірнеше күн бұрын сырт алаңда болған кездесуде Қазақстан Сан-Мариноны да 3:0 есебімен жеңген болатын.

Самал Қабышева