Елде несие алушылар тағы да көбейді

Қазақстандықтардың ай сайынғы төлеп отырған несие қарызы жалақысынан да көп. Депутат Ерлан Стамбековтың сөзінше, екінші деңгейлі банктер бүгінде халықтың мүмкіндігіне қарамай қарыз беруді көбейткен. Соңғы екі айдың өзінде берешегін өтей алмай жүргендердің қарызы тағы 40 млрд теңгеге өсіпті. 215 мың жалақы алатын дәрігер бүгінде ай сайын 360 мың теңге несие төлейді дейді депутаттар. Тұрғындардың тұрмыстық жағдайын ескермей оңды-солды қарыз берген банктер мен микроқаржы ұйымдарын тексеруді сұрайды. Доллар бағамына тоқталайық. Бүгінде АҚШ валютасы – 447 теңге, ал еуро – 488, рубль 5 теңге 31 тиын.

Айя Мүтәлі