Стокгольмде саябақтардың біріндегі аттракцион рельстен шығып кетті

Швеция астанасы Стокгольмдегі саябақтардың бірінде аттракцион рельстен шығып кетті. Бір адам қаза тапты, тағы тоғыз адам жарақат алған. Олардың арасында балалар да, ересектер де бар. Олар «Джетлайн» аттракционынан ұшып түсіп, жерге құлаған. Биіктікте салбырап қалғандары да бар. Оларды тікұшақпен құтқарды.

Оқиға орнына жедел жәрдем көліктері, құтқарушылар барды. Зардап шеккендер ауруханаға жеткізілді. Үшеуі ауыр халде жатыр. Осы оқиғадан кейін саябақ жабылды. Оқиғаға байланысты қылмыстық іс қозғалды.

Айта кетейік, жолынан тайып кеткен аттракционның биіктігі 30 метр, ол сағатына 90 шақырым жымдамдықпен қозғалады.

Арай Төлегенқызы