Перуде жанартаудан улы газ шығып жатыр

Перуда «Убинас» жанартауынан улы газ бөлініп жатыр. Осыған байланысты жергілікті билік қауіптің қызғылт сары белгісін жариялады. Бұған қоса отты таудың оңтүстігіндегі елдімекен халқы қауіпсіз жерге көшірілмек.

Убинас вулканы - өңірдегі жиі оянатын жанартаулардың бірі. Ол маусымның басынан бері белсенділік танытып жатыр.

Жалпы Перу елі Тынық мұхиттың «отты сақина» деп аталатын жер сілкінісі және жанартау атқылауы жиі болатын аймағында орналасқан.

Арай Төлегенқызы