Такси жүргізушілері мен курьерлерге салық төлеу жеңілдейді

Такси жүргізушілері мен курьерлерге салық төлеу жеңілдейді. Оларға салық органдарына барудың қажеті жоқ. Мемлекеттік кірістер комитетінің хабарлауынша, ол үшін e-Salyq Business атты мобильді қосымшаны жүктеп, жеке кәсіпкер ретінде тіркелсе жеткілікті. Салық декларациясын тапсыру да міндеттелмейді. Табысының 1 пайызын және өзге де әлеуметтік төлемдерді қосымшаның өзі есептеп береді. Такси жүргізушісіне де делдалсыз платформа арқылы тапсырыс алу мүмкіндіктері қарастырылып жатыр. Комитет төлемді есептеу кезінде қателік болмайды дейді.

Айя Мүтәлі