Елде Қытай көліктеріне сұраныс артқан

Қазақстанда Қытай автокөліктеріне сұраныс артты. Жарты жылдың өзінде көрші елден 16 мыңнан астам жеңіл көлік жеткізілген. Бұл өткен жылмен салыстырғанда 30 пайызға көп. Автонарықты талдау және бақылау агенттігі мұны еуропалық және жапон көліктерін жеткізу азайғанымен байланыстырады. Жыл соңына қарай нарықтағы қытайлық брендтердің үлесі 15 пайызға жетуі мүмкін. Былтыр ол 9,5 пайыз болған еді. АҚШ-та шығарылған автомобильдерді импорттау көлемі де артып келеді. Мәселен, осыдан үш жыл бұрын 114 көлік қана жеткізілсе, биыл 3 мыңнан астам америкалық маркадағы жеңіл көлік импортталған. Одан кейін жапондық темір тұлпарлардың да саудасы қызып тұр. Бір жылдың ішінде 10 мыңға жуық көлік жеткізілген.

Айя Мүтәлі