Грекияда өрт сөндіруші ұшақ құлады

Грекияда орман өртін сөндіруге қатысқан ұшақ апатқа ұшырады. Оның бортында болған екі пилот қаза тапқан. Оқиға Эбвей аралында болды. Ұшқыштардың қазасына байланысты елде 3 күн қаралы деп жарияланды. Грекияда алапат орман өртінің жалғасып жатқанына бір аптадан аса уақыт болды. Өрт шарпыған орман алқабының аумағы 35 мың гектардан асқан. Родос тәрізді бірқатар аралдан туристер жаппай көшірілді. Елде аптап ыстық. Ауа температурасы 40 градустан жоғарылаған. Ғалымдар бұл жағдайға климаттың өзгеруі себеп деп отыр.   

Арай Төлегенқызы