Ресейге өткен жексенбіге қараған түні дрондармен шабуыл жасалды

Ресейге өткен жексенбіге қараған түні дрондармен шабуыл жасалды. Ұшқышсыз екі аппарат ел астанасындағы «Мәскеу-Сити» ауданындағы ғимараттарды зақымдаған. Ал үшіншісі атып түсірілді. Қала мэрінің мәлімдеуінше, шабуылдан ешкім зардап шеккен жоқ. Тек екі кеңсе ғимаратының қасбетіне зақым келген.

«Би-Би-Си»-дің мәлімдеуінше, бұл - Мәскеуге мамырдың басынан бері дронмен жасалған төртінші шабуыл. Ресей Қорғаныс министрлігі аппараттар Украинаға тиесілі екенін айтты. Алайда Киев шабуылды өз мойнына алған жоқ.   

Арай Төлегенқызы