«Qazaqstan» мен «Qazsport» Азия ойындарын көрсетеді

«Қазақстан» телерадиокорпорациясы 19-шы Жазғы Азия ойындарының ресми хабар таратушысы атанды. Сары құрлықтың басты спорт бәсекесін «Qazaqstan» және «Qazsport» телеарналары көрсетеді. Байрақты бәсеке Қытайдың Ханчжоу қаласында, 23 қыркүйек пен 8 қазан аралығында өтеді. Спорттың 40 түрі бойынша медальдар сарапқа салынбақ. «Қазақстан» телерадиокорпорациясының Басқарма төрайымы Ләззат Танысбайдың сөзінше коммерциялық тұрғыдан тиімді бағаға қол жеткізу үшін келіссөздер ұзақ мерзімге созылған. Жарыс барысында сонымен қатар тікелей қосылымдар, студиялық бағдарламалар ұйымдастырылады.

Шерхан Жамбылұлы