Шымкентте полиция департаменті қызметкерлеріне қатысты тергеу басталды

Шымкентте полиция департаменті қызметкерлеріне қатысты тергеу басталды. Олар бұрынғы учаскелік инспектор Мұхтар Бековтің заң бұзушылық әрекетіне көз жұма қарап, «салғырттық» танытқан болуы мүмкін. Ал Бековтің өзіне гүл салоны мен мейрамханада тәртіп бұзғаны үшін қылмыстық кодексінің 191-бабы 2-бөлігі яғни, «Тонау» бойынша сотқа дейінгі тергеу басталды.

Ведомство екі қылмыстық іс бойынша жүргізіліп жатқан тергеудің объективтілігі мен жан-жақтылығын қамтамасыз ететін болады. Шымкентте гүл ұрлап, сатушыны қорқытқан адамның бұрынғы полиция қызметкері болып шыққанын бұған дейін хабарлаған едік. Оның үстелден қайшы алып, гүл сатушыға тап берген. Қазір күдікті қамауда.  

Азамат Бейбітұлы