АҚШ-та іздеу-құтқару жұмыстары жалғасып жатыр

АҚШ-тың Гавай штатындағы алапат өрттен кейін іздеу-құтқару жұмыстары жалғасып жатыр. Жолдар ашылып, тіршілік қалпына келуде. Өткен аптадан бері жабық тұрған Мауи тасжолында көлік қатынасы қайта жанданды. Лахайна қаласында құрбандар саны 106-ға жеткен. Мыңнан аса адам хабар-ошарсыз кетті. 2 мыңдай ғимарат күлге айналды.

Алдын ала мәліметке сай, өрттен келген шығын көлемі - 5,5 миллиард доллар. Гавай аралдарында өткен аптаның ортасында өрт тұтанған еді. Содан бері мыңдаған шаршы шақырым аумақ жанып кеткен.

Арай Төлегенқызы