Солтүстік Қазақстанда қызылша жұқтырған 12 адам тіркелді

Солтүстік Қазақстанда қызылша жұқтырған 12 адам тіркелді. Мамандардың айтуынша, індетпен ауырғандардың 50 пайызы ауруға қарсы екпе алмаған. Науқастардың жағдайы қалыпты. Үш адам шет елден. Атап айтар болсақ, Қырғызстан, Ресей және Біріккен Араб Әмірліктерінен келгеннен кейін ауырған. Соңғы рет өңірде қызылша жұқтырған науқастар 2019 жылы тіркелген болатын. Қауіпті инфекцияға шалдыққан 300-ге тарта адам емделіп шыққан еді.

Айнаш Сағындықова, Облыстық санитариялық-эпидемиологиялық бақылау департаментінің бас маманы:

Қызылша ол жұқпалы өте ауыр инфекция болып табылады. Ол ауа тамшы жолы арқылы жұғады. Және ол ең бірінші шырышты қабатты зақымдайды. Содан кейін ол денеге таралады.

Эльмира Кәленова