«Қазақстан» шахтасындағы өрт: Бір адамның денесі табылды

Бүгін Қарағанды облысындағы «Қазақстан» көмір кенішінен өрт шықты. Әуелде «АрселорМиттал Теміртау» компаниясының өкілдері екі адамның қаза тапқаны туралы ақпарат таратқан болатын. Бірақ, жаңа ғана облыс әкімдігі тек бір адамның денесі табылғанын мәлімдеді. Қаза тапқан кеншінің аты-жөні әзірге белгісіз. Іздеу құтқару жұмыстары жалғасып жатыр.

Сергей Огай, «Арселормиттал Теміртау» АҚ Тау-Кен сегменті атқарушы директорының орынбасары:

Қазіргі таңда басқа қалып кеткен адамдарды іздестіру жалғасуда. Сонымен қатар өртті оқшаулау бойынша жұмысы дайындалып жатыр.

Шерхан Жамбылұлы