Ақтөбе облысында 177 адам қызылша жұқтырған

Ақтөбе облысында қызылшамен ауырған тұрғындар саны 177-ге жетті. Биыл ақпан айында індетті жергілікті тұрғындардың бірі Түркиядан жұқтырып келген.

Мамандардың айтуынша, науқастардың көбі – кәмелет жасына толмағандар.16 ақпаннан бері күдікке іленген 251 адам тексерілді. Қызылша жұқтырғандар Ақтөбе қаласынан бөлек, бірнеше ауданда анықталған. Дәрігерлер өңірде 2,5 мыңға жуық бала індетке қарсы екпе алмағанын айтып отыр. Сондай-ақ, өңірде тұмау және көк жөтелмен ауыратындардың да саны да азаймай тұр.

Мұхтар Сербаев, Облыстық санитариялық-эпидемиологиялық бақылау департаменті басшысының орынбасары:

Тұмауды айттым, қызылшаны айттым және мына көкжөтел – бәрі вакцинамен басқарылатын ауру қатарына жатады.Тіркелген аурулардың барлығы вакцина алмағандар арасында болып отыр.Оның көбісі балалар болып отыр.

Жақсыбек Кемал