Сауд Арабиясы астанасындағы әуежайда ұйықтайтын капсулалар пайда болды

Сауд Арабиясының астанасы әр-Риядтың Король Халид атындағы халықаралық әуежайында ұйықтайтын капсулалар пайда болды. Олар рейстерін ұзақ күтіп шаршайтын жолаушыларға арналған.

Мұндай капсулада алты сағат демалу құны – 60 доллар. Онда ауа баптағыш, электр жарығы бар.

Келешекте мұндай капсулалар жағажайларға және үлкен, кіші қажылыққа жиналғандар үшін де орнатылуы мүмкін.

Мұхаммед Әл-Джуаиди, Wassan компаниясының жетекшісі:

Бес жыл бұрынғы мақсатымыз әуежайда жолаушыларға қызмет көрсету еді. Бүгінде, Аллаға шүкір, Король Халид халықаралық әуежайына ұйықтайтын капсулалар орнаттық. Болашақта мұндай орындар жағажайларда, оқшауланған аралдарда немесе қажылыққа жиналғанды қабылдайтын жерлерде пайда болуы мүмкін. Біздің болашаққа жоспарымыз осындай.

Арыстан Рысбек