Ливияда 30 мыңдай адам үйін тастап кетті

Ливияда алапат тасқыннан 30 мыңдай адам үйін тастап кеткен. Мұны Біріккен Ұлттар Ұйымы мәлімдеп отыр. Жермен жексен болған аудандарда іздеу-құтқару операциялары жалғасып жатыр. Бірақ «тірі қалғандар табылуы мүмкін» деген үміт өшіп барады. Ливияға «Дэниель» дауылы соққы берген еді. Су бөгеттері құлап, Дерна қаласы қатты зардап шекті. Соңғы мәліметке сай, қаза тапқандар саны 6 мыңға жетті. Шамамен 10 мың тұрғын жоғалып кетті.  

Арыстан Рысбек