5 қарашада аудан және облыстық маңызы бар қалалардың әкімдерін сайлау өтеді

Еліміздегі 45 аудан мен облыстық маңызы бар қалалардың әкімдерін сайлау 5 қарашада өтеді. Бұл туралы Орталық сайлау комиссиясының төрағасы Нұрлан Әбдіров айтты. «Сайлау туралы» Конституциялық заңға сәйкес, әкімдер сайлауы үшін тиісті аумақтық сайлау комиссиялары тағайындалуы керек. Ол мәслихаттың шешімімен сайлауды өткізетін күнге дейін кемінде 50 күн бұрын, яғни, 15 қыркүйектен кешіктірілмей әзір болуы тиіс.