Ливияда құрбандар саны 11300-ден асты

Бұл - Ливия мемлекетіндегі су тасқыны. Елдің шығысындағы Дерна қаласында табиғи апаттан қаза тапқандар саны 11 мың 300-ден асты. Тағы 11 мыңдай тұрғын жоғалып кеткен. Жерорта теңізінде көтерілген «Дэниель» дауылы, Ливияға 10 қыркүейекте соққы берді. Екі дамба құлап, Дерна қаласының төрттен бірін су шайып кеткен.

Қазір апат жайлаған аудандарда іздеу-құтқару операциялары жалғасып жатыр. Сонымен қатар, елге бірнеше елден гуманитарлық көмек жеткізілді. Біріккен Ұлттар Ұйымы мамандарының ойынша, тасқыннан мұнша көп адамның қырылуына Ливияның метеорологиялық қызметі мен апатты ескерту жүйесінің дұрыс жұмыс істемеуі де себеп болып отыр. 

Арыстан Рысбек