Отандық ғалымдар: Киікті сақтап қалу үшін санын реттеу керек

«Киікті сақтап қалу үшін де оның санын реттеу керек». Отандық ғалымдар осылай дейді. Себебі жануардың қай түрі де шектен тыс көбейгенде жұқпалы ауру тарап, қырылуы жиі кездеседі. Мысалы, қазір Батыс Қазақстан аумағында 2 миллионнан астам киік жүр. Ал табиғи өлшеммен алғанда олардың саны 500 мың көлемінде болуы тиіс. Егер осынша көп жануардың арасында жұқпалы індет тараса, оны ауыздықтау қиынға соғады. Ақ бөкендер жүз мыңдап қырылады. Экологияға орасан зор зиян келеді. Індет әрі қарай төрт түлікке, адамдарға да жұғуы мүмкін. Мұның соңы үлкен зардаптарға соқтырып, тіпті адам шығыны болмасына кепілдік жоқ.

Әлжан Шәмшідін, Ауыл шаруашылығы ғылымдарының кандидаты:

Ол мәселені шешудің бір-ақ жолы бар. Ол санын реттеу. Қазір блогерлер жасылдар қырады деп жатыр ғой. Жоқ, бұл қыру емес. Киікті сақтап қалу үшін санын шектеу. Неге оны адамзат пайдасына асырмауы керек? Пайдаға асыруы керек.

Дәуренбек Әбдібек