Азия ойындарында дзюдадан өнер көрсеткен ұлттық құрама елге оралды

Ел қоржынана 1 күміс пен 4 қола салған Әбиба Әбужақынова, Эсмигул Куюлова, Мағжан Шәмшадин, Абылай Жұбаназар мен Нұрлыхан Шарханды, Алматы әуежайында жанкүйерлері мен туыстары күтіп алды. Дзюдодан Азия елдері әлемде көш бастап тұр, сондықтан бұл жақсы көрсеткіш дейді мамандар. Жалпы күрестің бұл түрінен биылғы Азиадада 33 елдің спортшылары бақ сынасты. Дүбірлі додада жапыкомандалық есепте Қазақстан үздік ондықтың қатарына енді.

Әбиба Әбужақынова, Азия ойындарының күміс жүлдегері:

Осылай күтіп алып жатқан Қазақ еліне үлкен алғыс білдіреміз. Бұл менің жарақаттан кейінгі бірінші жеңісім. Үш ай демалып қалғанмын. Күміс болса да, қуанып тұрмын. Себебі енді-енді өзіме келіп жатырмын.

Мағжан Шәмшадин, Азия ойындарының қола жүлдегері:

Үміт артты ғой. Ақтай алмағаныма іштей қынжылдым.Алтын жоқ қой бізде. Сол алтынға жетеміз деп үміттенеміз енді. 2024 жылы Олимпиада чемпионы болады, шығады деп ойлаймыз.