Анкарадағы Израиль елшісі еліне қайтты

Израильдің Түркиядағы елшісі өзге дипломаттарымен бірге Анкарадан уақытша кетті. Бұл мәліметті «Reuters» агенттігі жариялады.

Израиль жағы әзірге бұған қатысты ешқандай мәлімдеме жасаған жоқ. Апта басында Израиль өз азаматтарына Түркияға бармау туралы, ал бұл елдегі израильдіктерге елге оралу туралы ескерту жасады. Газадағы қақтығыстан израильдіктерге қарсы шабуыл жиілеуі мүмкін деген үрей туындаған. Бұған дейін Түркияда палестиналықтарды жақтайтын бірнеше шеру өтті.

Арай Төлегенқызы