Индонезияда екі апта төтенше жағдай жарияланды

Индонезияның туристер арасында танымал Бали аралын қуаңшылық жайлады. Ылғал жетпей, дәнді-дақыл қурап жатыр. Осыған орай, жергілікті үкімет 14 күнге төтенше жағдай жариялады. Әсіресе күріш өсіретін шаруалардың жағдайы қиын. Құрғақшылыққа байланысты олар бұл дақыл түрін егуді азайтып, суды аса қажет етпейтін көкөністер өсіруді қолға алған. Өңірдің Джембрана аралында жаңбыр жаумағалы 5 ай болды. Бұлай жалғаса берсе, резеруварлар толықтай құрғап кетуі мүмкін. Қуаңшылыққа Эль-Ниньо құбылысы әсер етіп отыр. Мұхит суының жылынуы кейбір өңірлерге осылай құрғақшылық әкелсе, өзгелерінде керісінше дамылсыз жаңбыр жауады.

Арай Төлегенқызы